101et quaecumque
res eum sic attinget ut sit [Note] visum illud
probabile neque ulla re impeditum, movebitur. non
enim est e saxo sculptus aut e robore [Note] dolatus, [Note] habet
corpus habet animum, movetur mente movetur sensibus, ut ei vera multa videantur neque tamen habere
insignem illam et propriam percipiendi notam. eoque
sapientem non adsentiri, quia possit eiusdem modi
existere falsum aliquod cuius modihocverum. Neque
nos contra sensus aliter dicimus ac Stoici, qui multa
falsa esse dicunt longeque aliter se habere ac sensibus
videantur. ch. 32hoc autem si ita sit, ut unum modo sensibus
falsum videatur, praesto est qui neget rem ullam percipi [Note] posse sensibus. ita nobis tacentibus ex uno Epicuri
capite altero vestro perceptio et conprehensio tollitur.
quod est caput Epicuri? 'si ullum sensus visum falsum
est, nihil potest [Note] percipi.' quod vestrum? 'sunt falsa
sensus visa.' quid sequitur? ut taceam, conclusio ipsa
loquitur: 'nihil posse percipi'. 'Non concedo' inquit
'Epicuro'. Certa igitur cum illo, qui a te totus diversus
est, noli mecum, qui hoc quidem certe, falsi esse aliquid in sensibus,, tibi adsentior.
102Quamquam nihil mihi
tam mirum videtur quam ista dici, ab Antiocho quidem
maxime, cui erant [Note] ea quae paulo ante dixi notissima.
licet enim haec quivis arbitratu suo reprehendat quod
negemus rem ullam percipi posse, certe levior reprehensio est, quod tamen dicimus esse quaedam probabilia. non videtur hoc satis esse vobis. ne sit; illa
certe debemus effugere, quae a te vel maxime agitata
-- --
sunt: 'nihil igitur cernis, [Note] nihil audis, nihil tibi est
perspicuum'. Explicavi [Note] paulo ante Clitomacho auctore
quo modo ista Carneades diceret; accipe quem ad
modum eadem dicantur a Clitomacho in eo libro quem
ad C. Lucilium scripsit poetam, cum scripsisset isdem
de rebus ad L. Censorinum eum qui consul cum M'. [Note]
Manilio fuit. scripsit igitur his fere verbis (sunt enim
mihi nota propterea quod earum ipsarum rerum de
quibus agimus prima institutio et quasi disciplina illo
libro continetur) — sed scriptum est ita:——
